اللي مزعلني مش تصريحات ابو مازن.. هذا مش اول تصريح خيانة بطلع منه (نسينا صفد؟)… وهذا مش اول وفد صهيوني بستقبله (نسينا وفود اعضاء الكنيست؟ ونسينا موفاز اللي لولا شوي كان رح يتضيّف بالمقاطعة معزّز مكرّم؟).. نسينا انه كل يوم بتصير اشياء اوسخ من هيك من قيادات اوسلو.. من فوق الطاولة ومن تحت الطاولة… (نبلّش نذكّر؟)…
اللي مزعلني… انه الشعب مخدّر…(او بالاحرى خدّروه).. اللي مزعلني انه كلشي صار عادي..
وانه ال ٣٠-٤٠ اللي بطلع صوتهن هني نفسهن.. وانه بالاخر يوم يومين وبتخلص القصة الى التصريح الجاي او الزيارة الجاي (لانه الواحد شو بده يلحق ليلحق).. اما قيادات العار ببقوا عكراسيهم وبتلاقي اللي يدافع عنهم ويبررلهم… وبكملوا يحكوا باسم الشعب… ويفاوضوا باسمه… واحتمال كمان شوي يوقعوا على اتفاق ويبيعوا حقوقنا باسم هالشعب المعتّر..
اللي مزعلني انه كل تصريح ولقاء عار من هالشكل.. هو تخدير جديد.. عشان احنا نتعود.. وعشان همي يفحصوا ردة الفعل.. كل مرة بعطونا وجبة.. وبشوفوا ردة الفعل.. وكل مرة بتزيد الوجبة.. وبشوفوا ردة الفعل… لحد ما نجهز للصفقة الكبيرة!
اجا الوقت الشعب المعتّر يصحى من الغيبوبة!!!
Abir Kopty's Blog مدوّنة عبير قبطي 
February 16, 2014 at 8:10 pm
مافي ظالم في ناس عم يقبلوا بالظلم،الله لايوفقنا ولايقيم عن قلبنا شدة اذا بقينا عبيد،كل اللي بصير تدمير ممنهج للمجتمع مثل ماقلتي بإنتظار الصفقة الكبرى ، مثل ماقلتي ياعبير،كمان انا مش زعلان من الظالم اللي عم يظلمنا ويبهدلنا انا زعلان من نسق العبيد اللي بدافع عنو وعن الشعب المستكين،اسرائيل ولا بالحلم كانت تفكر بإتفاق مثل إتفاق أوسلو،لازم نوقف وإلا التاريخ مارح يرحمنا
LikeLike