يوم السبت، عندك فرصة اترجم/ي مقولة “شعب واحد، وطن واحد، نضال واحد”. مخيم اليرموك بستنانا وبنتظر منا نتحرك، والتحرك كتير متأخر، لاننا تأخرنا على اكثر من ٣٠ انسان ماتوا من الجوع.
صحينا متاخر، مع انه نداءات الاستغاثة كانت تطلع كل الوقت.
يمكن وقفاتنا يوم السبت ما تشبع جوعان بالخبز، بس اكيد رح تشبعه بالكرامة والصمود.
مخيم اليرموك بستنانا ننزل عالشارع في غزة ورام الله وحيفا وبيروت وعمان ونعلي الصوت، لانه اللي بيصرخ مش حيموت.
لا وقت ايضا لاسئلة تتردد من البعض “نريد ان نعرف اولا من المسؤول عن الحصار” او “ليخرج الارهابيين بالاول من المخيم”. لا وقت لاهالي اليرموك ليشرحوا لكم معنى ان تموت جوعا! لا وقت للانسانية المشروطة! ولتذهب الى الجحيم كل المواقف اذا عجزت عن النظر في اعين اطفال اليرموك.
وقفات يوم السبت واضحة من حيث تحميل جميع الاطراف المسؤولية، والعنوان واضح، منظمة التحرير وكافة الفصائل الفلسطينية.
ومطالب أهل المخيم واضحة: لا يريدون ولا مسلح داخل المخيم لا من النظام ولا من مسلحي المعارضة اللي الطرفين مش سائلين بالمدنيين داخل المخيم!.
ولا نخرج يوم السبت لانه الدم الفلسطيني اغلى من الدم السوري. لقد خرج الشعب الفلسطيني للتضامن مع كل الشعوب الثائرة اينما كانت، كل قضايا العدل والحرية والكرامة هي قضايانا. هذا واجب وليس منة!
لماذا مخيم اليرموك:
1-لان الوضع في المخيم استثنائي بالفعل ووصل الى حالة متردية اقرب الى المجاعة دونا عن غيره
2-التدخل المباشر من قبل الفصائل الفلسطينية في الاشتباكات الحاصلة يجعلنا بعلاقة مباشرة مع ما يجري وعلينا تحمل المسؤولية. ولان العنوان في حل هذه الازمة هو منظمة التحرير الفلسطينية.
3-ربما انقسامنا كشعب بين معارض ومؤيد للثورة، معارض ومؤيد للنظام، يجعل المخيم نقطة اجماع، على الاقل من خلال العمل الانساني.
4-نحن نخرج من اجل اليرموك لاننا ندافع عن كرامة وحياة اهل المخيم بسورييه وفلسطينييه، والتي تنتهك من خلال الحصار والتجويع والاذلال، لا فرق بالنسبة لنا بينهم. كلهم يستحقون الحياة والكرامة بنفس المقدار.
5-المخيم دون غيره لان في دفاعنا عن المخيم، ندافع عن حق العودة.
6-الحملة من اجل فك الحصار عن اليرموك لا تمنعنا من استمرار التضمان مع سوريا ككل ومع شعبها ومعاناته.
هذه مواعيد وتفاصيل الوقفات السبت 4/1/2014 الساعة الواحدة ظهراً:
رام الله: أمام مبنى منظمة التحرير الفلسطينية (خلف مقر المقاطعة).
غزة: أمام مقر الصليب الأحمر – دوار حيدر عبد الشافي.
عمان -الاردن: أمام مقر الصليب الأحمر الدولي, دير غبار -إشارات دير غبار.
بيروت -لبنان: أمام مقر الصليب الأحمر الدولي – شارع الحمرا.
دمشق -سوريا: شارع المزرعة – أمام سفارة فلسطين الساعة الواحدة أيضاً بمشاركة أهالي مخيم اليرموك المتواجدين خارج المخيم.
مخيم اليرموك -سوريا: اعتصام لأهالي المخيم في داخل المخيم بنفس موعد معظم وقفاتنا خارج المخيم.
حيفا: مفرق الجبل – الساعة 14:30 ظهراً.
النقب: رهط, مفرق راهط الجنوبي الساعة 16:00 عصراً
مخيم عين الحلوة -لبنان: الساعة 16:30 عصراً، الشارع الفوقاني – اول سوق الخضار بمشاركة من اهالي مخيم اليرموك المتواجدين بمخيم عين الحلوة.
– أما يوم الأحد: وقفة في بيت لحم الساعة 12 ظهراً بساحة كنيسة المهد.
*************
كما ويمكنكم لمساهمة في الحملة الالكترونية كل مساء من ٩ حتى ١١ مساء بتوقيت فلسطين حتى يوم السبت من اجل رفع الحصار عن مخيم اليرموك. استخدموا هاشتاغ #انقذوا_مخيم_اليرموك
ملاحظة: الحملة الالكترونية ليست بديلا للعمل على الارض، بل مكملا، وهي اداة للتعبئة
*************
اطفال، رجال ونساء اليرموك رح ينتظروا منا وقفة عز يوم السبت ليعرفوا انهم مش لوحدهم، وان “الشعب الواحد” مش شعار بيسمعوا عنه من شيوخ وحجات المخيم.
Abir Kopty's Blog مدوّنة عبير قبطي 
January 3, 2014 at 10:31 pm
طول عمرك صاحبة مواقف مشرفة ياعبير،لازم نعمل شيء للمخيم واجبنا نعمل ،التاريخ لن يرحمنا اذا بقينا هكذا ،لازم تعرف يا انسان إن كنت إنسان حقاّ، انت ميت ميت أو إنسان حي، في كثير احياء بس هم في عداد الاموات،يلعن هيك عيشة بلا كرامة،تطهير عرقي متواصل منذ ماقبل عام 1948،في الوطن وفي الشتات،وقيادات بتجتر الفشل وبتتسلى فينا..صبر الشعب لن يطول
LikeLike