Abir Kopty مدوّنة عبير قبطي

You will never be free until you respect the freedom of others

naz

تِنحَرَق تدوينة ولا تِنحَرَق البَلَد.. واسلمي يا ناصرة

1 Comment

اليوم بالذات، مش مطلوب ابدا حدا يحَمِّل المسؤولية لحدا ولا يكيل الاتهامات لحدا. المطلوب الكل يكون مسؤول/ة:
*كل واحد ووحدة مسؤول في بيته ومع الناس اللي حواليه.
*يا ريت نمتنع عن التحريض عالفيسبوك وهذا يشمل مشاركة ستاتوسات محرضة بغرض انتقادها، يعني مثلا، لما تشارك/ي ستاتوس طائفي، هل بتفكر/ي انك هيك عم بتحارب الطائفية؟؟!
*تشاركش مقالات تحريضية من صحف مغرضة. تنبسطش انها ناشرة تحريض على “غريمك”… البلد اهم منها ومنك ومن غريمك.  
*تعالوا نحكي عن مؤامرة التجنيد، عن العنف والسلاح، عن سياسة الاحتلال والعنصرية، تعالوا نحكي عن مخيم اليرموك المحاصر، تعالوا نتذكر مين عدوّنا الحقيقي، تعالوا نحكي عن اللي بوَحّدنا بدل اللي بفَرّقنا. 
*لكل واحد/ة في موقع “مسؤول”، لما تطلع تصرِّح عالاعلام، خلّي عندك دم. العالم ما بدور حولك او حول حِزبك او حِقدك عالحزب الثاني. مصلحة البلد فوقك وفوق حزبك عمّي.
*اسال/ي حالك هالسؤال: “هل بدي اكون حجر شطرنج بايد الدولة؟” واذا الجواب “نعم” فيرجى التزوّد بطواشات ماء، لان التيار رح يجرفك، والسؤال لوين؟! اما اذا الجواب “لا”، معناه بدّك توقف بوجه التيار يا معلّم. 
*اي تخريب او تكسير، هدفه يولع ويحرق البلد، حتى لو اللي عاملينه هدفهم يعبروا عن غضب، في ناس “فوق” راكبة عالموضوع منيح، وبدها تِسْكَر وتسَلطِن على حجار الشطرنج وهمي عم يتقاتلوا.
*دورك مش تتفرج، دورك ما تخافش تقول لابن/بنت بلدك “وقّف”، لما يكون شاطح علوحة الشطرنج!  
*غمض عينيك واتخيل الكابوس اللي ممكن تعيشوا البلد! فتح عينيك وخذ دورك. 
 
اذا ما صار اي شي وتجاوزنا الازمة: رح احرق هالتدوينة واكتب وحدة جديدة!  
واسلمي يا ناصرة. 
naz

 

About these ads

Author: abirkopty

Palestinian social, feminist and political activist. Works as media analyst and consultant. Former city council member in Nazareth & former spokeswoman for Mossawa, the Advocacy Center for Arab Citizens in Israel. Holding a Master's in Political Communication from the City University of London.

One thought on “تِنحَرَق تدوينة ولا تِنحَرَق البَلَد.. واسلمي يا ناصرة

  1. يسلم تمك ياعبير شو عقلك راجح وحسك الوطني عالي

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Follow

Get every new post delivered to your Inbox.

Join 18,553 other followers